អត្ថប្រយោជន៏របស់ ប្រក់ផ្លែ

ប្រក់ផ្លែ ដើមវាតូចទេតែជាឱសថដ៏មហាសាល វាអាចជំនួយដល់សុខភាព និង ជួយព្យាបាលជំងឺបានច្រើនមុខ ដូចជា៖

• ជួយប៉ូវ និងបំបាត់ជាតិពុលពីថ្លើម រលាកថ្លើម 
• ព្យាបាលគ្រុនក្ដៅញាក់ ទាស់រីងរៃមិនដឹងមុខ ឫសដូងច្រមុះ
• រលាកពោះវៀន ទឹកនោមផ្អែម ឫសដូងច្រមុះ

ជួយស៊ែរចែកគ្នាដឹងផង! ដើមនេះស្រួលរកណាស់

- ដើមប្រក់ផ្លែ ជួយការពារការខូចថ្លើមពីសារធាតុពុលផ្សេងៗ និងការសេពគ្រឿងស្រវឹងដែលធ្វើឲ្យប៉ះពាល់ថ្លើមរបស់យើង។

- ជួយកាត់បន្ថយពីជម្ងឺមហារីកថ្លើម ដោយធ្វើឲ្យកោសិកាមហារីកលូតលាស់យឺត ប៉ុន្តែវាមិនសំលាប់កោសិកាមហារីកដោយផ្ទាល់ឡើយ។

- ជួយព្យាបាលរលាកពោះវៀន រាគមួល រលាកថ្លើម រលាកផ្លូវនោម ហើមទឹក ឈឺភ្នែក បូស គ្រុនចាញ់គ្រុនក្តៅ។

- ជួយកម្ចាត់ពិសចេញពីថ្លើម មានគុណប្រយោជន៍ធ្វើឲ្យភ្នែកភ្លឺច្បាស់ ប៉ូវថ្លើម រួមទាំងអាចព្យាបាលជំងឺថ្លើមប្រភេទ B បានលទ្ធផលល្អទៀតផង។

- ដើមប្រក់ផ្លែអាចជួយបន្ថយកម្រិតជាតិស្ករក្នុងឈាមសម្រាប់អ្នកមានជំងឺទឹកនោមផ្អែម ជួយសម្រួលដល់ការបត់ជើងតូចបានស្រួល និងជួយបំបាត់ក្រួសក្នុងតម្រងនោម និងបន្ថយសម្ពាធឈាម។

- ព្យាបាលអាការៈក្តៅខ្លួន ដោយដកដើមប្រក់ផ្លៃលាងអោយស្អាត ច្របាច់ក្នុងទឹកផ្តិលផឹកវាល្វីងមែនតែមានប្រសិទ្ធិភាពណាស់សម្រាប់គ្រុណក្តៅ។

- យើងអាចយកទាំងដើមទាំងឬសវាស្ងួតចំនួនប្រមាណ៣០ក្រាម ដាក់ដាំជាមួយទឹក១កំសៀវពិសា១ឬ២កែវក្នុងមួយថ្ងៃសម្រាប់ជាការការពារ និងជំនួយសុខភាព។

ឯកសារជំនួយ៖ មជ្ឍមណ្ឌលជាតិស្រាវជ្រាវវេជ្ជៈសាស្ត្របូរាណ្យ ក្រសួងសុខាភិបាល

វិធីផ្សេងៗដែលបងប្អូនយើងធ្លាប់ប្រើមានប្រសិទ្ធភាព៖

• ​ព្យាបាលជំងឺទាស់រីងរៃ ទាស់មិនដឹងមុខ

វិធីធ្វើៈ បុកស្រស់ប្រមាណ២ឬ៣ដើមតូចល្មមទាំងដើមឫស ដាក់ទឹកមួយពែងត្រង់រួចផឹកភ្លាមល្វីងណាស់ផឹកអត់ដង្ហើមលេបពូកែមែនជាច្រើនមុខកើតកូនហើយទាស់មិនដឹងខ្លួនឈឺរីងរៃពូកែខ្លាំងណាស់ គ្រុនក្ដៅញាក់ ក្អក ផ្ដាសាយ គ្រុនចាញ់ ពិតជាត្រូវណាស់។

• ជួយព្យាបាលឫសដូងច្រមុះ សាកល្បងយកដើមប្រក់ផ្លែ នេះលីងឲ្យស្រួយហើយបុកឲ្យម៉ត់ ដាក់ទឹកសើមៗបិតលើសាច់ដុះនោះ ជាវិធីចិនសែបានប្រាប់អាចព្យាបាល ឫសដូងដុះក្នុងច្រមុះ។

*** សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែអ្នកមិនមានជម្រើសផ្សេង។

** សូមរក្សាទម្រង់អត្ថបទដើមខ្ញុំទាំងស្រុងរាល់អ្នកដែលយកទៅចែករំលែកបន្ត។

ប្រភព៖ អ៊ាង សុផល្លែត